ඹ්දාත ආලෝක ධාරා | දීපිකා ප්‍රියදර්ශනී | Shraddha TV 2017-12-14T11:48:03+00:00

Project Description

සම්බුදු මුව මඬලේ මඳ සිනා පැන නගින විට විහිදෙන
සුදු පැහැති ආලෝකය බුදු සිරස වට
තුන්වරක් පැදකුණු කොට නොපෙනී යයි…
සම්බුදු මඳහසත් සමඟින් පැන නගිනා
ඒ ඕදාත ආලෝක ධාරා කොතරම් අසිරිමත් ද…
සිත් මැඳුරේ ප‍්‍රඥා පහන්සිළු අවිද්‍යාවේ සුළඟින් නිවී යද්දී
ඒ උතුම් ප‍්‍රඥාව උපදවා ගත නොහැකිව
අෂ්ටලෝක ධර්මයන් හමුවේ හඩා වැටෙනා ජනයා වෙත
සොඳුරු මදහස නංවමින් ශ්වේත ආලෝක ධාරා විහිදුවමින්
මහා කරුණා දරා ගෙන
අපගේ භාග්‍යවතුන් වහන්සේ සහපිරිවරින් වැඩම කරනා සේක.
නෙතු අයා අහස් ගැබේ කෙළවරක් නැති තාරුකා ගණින්නට තතනන,
මහා සාගරයේ මහා දියකද දෝතින් ඉසින්නට තතනන
නැතහොත් මේ සංසාරගත මහා දුකින් මිදෙන්නට
අසාර්ථක ක‍්‍රම අනුගමනය කරනා ජනයා වෙත
සොඳුරු මදහස නංවමින්
ඕදාත ආලෝක ධාරා විහිදුවමින් වැඩම කරනා බුදු සමිඳුන්
සසරේ ඔහේ ඇවිද යන ඔවුන් සසරෙන් එතෙර වන
විමුක්ති මාර්ගයට ඇද දමනා සේක.

One Comment

  1. Yasas Niwanthaka Silva December 27, 2017 at 1:43 pm - Reply

    Into that heaven of freedom,
    My Father……..
    Let my country awake!

Leave A Comment